Kofradi zaharra

Kofradi Zaharra

Santa Klara Kofradi Zaharra XIV. mendean eratu omen zuten. Hasieran arrantzaleei eta horien familiei erlijio-laguntza eta gizarte-sorospena ematea zuen helburu.

Kofradi Zaharra bezala ezaguna den egungo eraikina XX. mende hasiera arte Ondarroako portuko amarralekua izan zen tokian dago.

Bere estiloak erdi-aroko elementuak elementu klasizistekin eta barrokoekin bateratzen dituen arren, eraikuntza 1920koa da eta proiektua Pedro Guimón arkitektoak egin zuen. Egun turismo bulegoaren egoitza da.