Andra Mari eleiza

Andra Mari eliza

Haitz baten gainean eraikia, oinarritzat duen basamenduak arku handiko harresi bat osatzen du, antzina soto bezala eta itsasontziak amarratzeko erabiltzen zena.

Lanak 1480ean hasi ziren eta XVI. mendean amaitu ziren. 1744an tenpluaren barnealdean birmoldaketa garrantzitsua egin zen Ignazio Iberoren zuzendaritzapean.

Eraikina gotiko berantiar estilokoa da, 'Errege Katolikoak' joeraren oso gertukoa. Trazeria gotikoko leihoak eta arrosa-leihoak aurkezten dituzten hormak lorez beteriko friso batek apaitzen ditu; horren gainean irudi geometrikoak dituen gailurreria dago. Erlaitzetan zehar giza eta animali irudiko xurrutarri ugari daude.

Adierazgarri suertatzen da flandestar-borgoniar estiloko hamabi irudik osatzen duten 'segizioa', Ondarroan 'Kortxeleku-mamuak' izenaz ezagutzen direnak.