Itsasaurre Zubia

Itsasaurre zubia

Ondarroako zubi guztien artean berriena da. Santiago Calatrava arkitekto eta ingeniari ospetsuak diseinatu zuen, hortaz beti izan da ezaguna 'Calatrava zubia' bezala. Burdinez eta zementuz eraikia, estilo abangoardistako zubi hau 1995ean eraiki zen.

Alfontso XIII.-ren Zaldaina edo Plaiko Zubia

Plaiko Zubixe

'Plaiko zubixe' (hondartzako zubia) bezala ezaguna den zubia edo pasagunea XIX. mende amaierako eta XX. mende hasierako "burdin-arkitekturaren" adibide polita da. 1927an eraiki zen eta Bizkaiko Foru Aldundiak finantzatu zue Arrigorriko hondartzarako bidea errazteko. Harearrizko bi gontzek eusten zuten burdinazko egitura, azken hori gontz horietako baten gainean biratu eta ireki egiten zen tamaina handiko itsasontziei sartzen uzteko.

1970eko hamarkada arte bertatik igarotzen zirenek bidesari bat ordaindu behar zuten, eta hasieran 5 zentimokoa zenez 'Txakur-txiki' izenez ere ezaguna izand a zubi hau.